Powered by Blogger.

Wednesday, July 10, 2013

"Conscience Troublemaker"


May bagong misyon si Idol. Presidente lang naman ng kontrobersiyal na Catholic Bishops Conference of the Philippines (CBCP).

Congratulations, Archishop Socrates B. Villegas, D.D. !!!


***


Mula December 1, 2013, sa edad na 52, pamumunuan niya ang kapulungan ng mga obispong Katoliko sa Pilipinas na binubuo ng 96 na aktibo at 40 honorary members. Ang mismong kapulungang binayo ng sari-saring isyu nitong mga nakaraang panahon tulad ng Pajero 7.

Remember Mitsubishops?


***


Maraming mamanahing hamon si Archbishop Soc sa kanyang pag-upo. Isa na rito ang nauupos na kredibilidad ng kumperensiya dahil na rin sa mga unnecessary media exposures. Masyadong naging mapagbigay sa mga media interviews ang ilan sa ating mga obispo.

Kahit maliliit na isyu ay pinapatulan.
 
 
***


Na kadalasan ay nababaluktot naman ng media. Napapalabas pa madalas sa publiko na ito ay paninindigan ng CBCP, gayung ito ay opinyon lang ng nagpapa-interbyung obispo.
 
 
***

Kampante naman akong kayang ayusin ang kumupas na imahe ng CBCP nitong bunsong anak nina Emiliano Villegas at Norma Buenaventura ng Pateros.

Protegee kaya ito ng paborito kong Cardinal Sin.
 
***


Minsan natiyempuahn ko ang isa niyang Misa sa Edsa Shrine. Fr. Soc pa lang siya noon. Ang kanyang sermon ay tumagal lamang ng 5 minuto. Subalit sa maikling sandaling ito malinaw niyang naipaliwanag at naiparamdam ang mensahe ng Ebanghelyo ng gabing iyon.

Di kagaya ng iba. Isang oras nang nagsasalita di mo pa rin matumbok ang punto.
 
 
***


Sa isang interview pagkatapos niyang ma-elect, kanyang sinabi:

“First, you must understand and accept that the Church is not a lobby group. The Church is not a non-government organization. The mission of the Church is truly spiritual, so if we get involved in bills like the RH bill, which is now a law, it’s because our spiritual mission mandates us to do that.” 

Promise po yan, ha?


***

Happy birthday muna sa Anluwage.com's Faith Section Editor, Anabelle Payod - Balla, sa July 12.

***

Maiba naman tayo. Ngayong si Erap na ang mayor ng Maynila, marapat lang dagdagan pa natin ang pagdarasal.

Oratio imperata para sa panunungkulan ni Erap.

Friday, April 15, 2011

Mga Pasaway Na Lay Leaders!

I'm back from my Holy Week isolation. I chose to be isolated para mas makapagnilay akong mabuti. Nagkaroon kasi ako ng traumatic experience noong Holy Thursday. Ayaw ko na sanang ikuwento kaso naisip ko, paano ito maitatama kung sasarilinin ko lang.

***


I attended the Chrism Mass sa Manila Cathedral noong Maundy Thursday pagkaraan nang napakahabaaaaaaang panahon. Kaya hindi kataka-taka na ako ay masindak sa napakalaking pagbabago sa atmosphere ng Cathedral. Punumpuno ito ng tao, the bishops and the clergy at mga lay leaders.

Subalit higit akong nawindang sa mga lay leaders.

***


Mga lay leaders na inaasahan sana natin magiging mabubuting halimbawa sa sangkatauhan. Subalit sila pa itong mga pasaway. Imagine, group picture-picture habang isinasagawa ang Morning Prayer at naghahanda sa pagsisimula ng Banal na Misa.

Ano yan, pam-Facebook?

***


May nagsusutsutan pa, "Dito, dito, dali....pssst!" Ikutan pa ng ikutan.

Susmaryosep naman, sister!

***



Ang hindi ko lubusang ma-take ay ang bahagi ng Consecration. Habang itinataas ng Kanyang Kabunyian Gaudencio Cardinal Rosales ang Katawan at Dugo ng Panginoon, ay nakataas din naman ang lahat ng cellphone at digital cameras.

Concert???

***


Save the best for last. Patawarin ako ng mahabaging langit subalit talagang napa-say ako ng bad words nang napagawi ako sa bandang pintuan ng Cathedral noong Communion. Sa mismong harapan ay may isang grupo mula sa isang parokya ang may baon na wireless microphone at isang kabataan ang bonggang-bonggang nagsisigaw ng cheer para sa kanilang kura-paroko.

Bakit di ka kaya magpa-check up,Iho?

***


Tama ba iyon, Aling Puring, kasagsagan pa ng Banal na Misa ay nagtititili na siya roon na parang si Willy Revillame?

Di ko na lang babanggitin na taga- St. John Mary Vianney Parish Cembo, Makati si Iho!

***


QUOTE-kutin: "My house will be called a house of prayer..." ( Mat 21:13, NIV )

Wednesday, February 03, 2010

RS Bill ( Reproductive Soul )

Houston, we have a problem! The Church is under attack again. I mean the Catholic Church in the Philippines for allegedly violating the boundary of the church and state. What else is new?

Parang sirang cd.

***


Last week lang, sinermunan ng isang congressman ang CBCP sa pakikialam daw nito sa affair ng estado nang manawagan ang the bishops and the clergies na huwag iboto ang sinumang kandidatong pabor sa Reproductive Health Bill o kilala rin bilang Sex Education and Artificial Family Planning Combo.

***

Don't ever think about quoting Lucas 20:25 to me, na ibigay ang kay Kuya Cesar ang para kay Kuya Cesar at sa Diyos ang para sa Diyos. Out of context ang pagkakaunawa ng marami rito, lalo na ng mga pulitiko. Hindi sinasabi rito ng Panginoon na huwag makikialam ang Simbahan sa estado or vice versa.

Ang itinuturo ng Panginoon ay maging responsible citizens of the world tayo by fulfilling our duties and obligations sa ating bansa and at the same time, tinutupad din natin ang ating tungkulin sa Diyos.

'Yun yon!

***


Kaya't magalak tayo, magbunyi at umawit ng mga Salmo sapagkat ginagampanan ng CBCP ang kanilang mga katungkulan na pangalagaan ang ating mga kaluluwa at ipagtanggol ang tama. Manahin natin ito dahil tungkulin din natin ito bilang mga mamamayan ng langit. Let's fight for the right.

And also for the left. And the center.

***


Tulungan nating itaas ang moralidad ng ating bansa at harinawang lumaki ang susunod na henerasyon na hindi marunong ng mga bad things.

Like dirty finger.

***


Hindi porke't gusto ng marami, hindi porke't pabor ang mga aktibista ay nangangahulugang tama na ang isang bagay. Come on, mga kagalang-galang na mga lingkod ng bayan, huwag ninyong payagang mag-party sa impiyerno dahil pinayagan ninyong magamit ni Satanas ang panukalang batas na ito upang maisingit ang kanyang mga advocacy.

***


Tayo naman, bilang mga tropa ng Panginoong Jesus, ating isulong ang RS BILL ( Reproductive Soul ). Humayo tayo at paramihin pa ang mabubuting kaluluwa sa mundo.

Punuin natin ng kabutihan ang ating planeta.

***


Nasa ibaba ang mga kilalang proponents ng RH Bill. Huwag n'yo silang awayin kapag nakita n'yo sila sa mall o sa kabilang barangay. Sa halip ay i-hug natin sila nang mahigpit at sabihin:

KAPATID, MABUTI NA LANG AT WALANG RH BILL NOON, KAYA BUHAY TAYO NGAYON.

***


Ang mga proponents ng RH Bill:

  1. Ronaldo Zamora
  2. Ruffy Biazon
  3. Juan Edgardo Angara
  4. Anna York Bondoc
  5. Edgardo Salvador
  6. Samuel Dangwa
  7. Teodoro Casiño
  8. Danilo Suarez
  9. Manuel Mamba
  10. Amante Edilmiro
  11. Abdullah Dimaporo
  12. Dan Fernandez
  13. Mujic Hataman
  14. Roque Ablan
  15. Liza Maza
  16. Riza Hontiveros-Baraquel
  17. Philip Pichay
  18. Teodoro Locsin Jr.
  19. Mauricio Domogan
  20. Satur Ocampo
  21. Abraham Mitra
  22. Jose Lacson
  23. Edcel Lagman
  24. Janette Garin
  25. Marc Douglas Cagas
  26. Darlene Custodio
  27. Florencio Garay
  28. Nicanor Briones
  29. Lorna Silverio
  30. Simeon Datumanong
  31. Justine Chepeco
  32. Crispin Remulla
  33. Nerrisa Corazon Ruiz
  34. Victor Ortega
  35. Emilou Talino-Mendoza
  36. Ronaldo Singson
  37. Neptali Gonzales Jr.
  38. Eduardo Joson
  39. Manuel Agyao
  40. Jose Carlos Lacson
  41. Ferdinand Marcos Jr.
  42. Antonio Kho
  43. Didagen Dilangalen.


(Source: Phil. Daily Inquirer, 05 Oct. 2008)

***


Wala nang bibisa pang pangontra sa RH Bill kundi ang kapangyarihan ng panalangin. Let's do the Christian way - let's pray for all of us, most especially the maka-RH Bill.

Father God, maraming, maraming salamat po sa kaloob Mong buhay, patunay ng Iyong pag-ibig sa amin. Nawa po ay masunod namin ang Iyong kagustuhan na gamitin ang kaloob na ito upang ipamahagi rin ang Iyong pag-ibig sa bawat isa sa amin.

Itinataas po namin sa Inyo, Ama, ang mga nagsusulong ng Reproductive Health Bil upang sila ay Iyong pagpalain ng karunungang masaliksik ang Iyong kalooban at ganap na magpasailalim dito. Sa pangalan po ni Jesus, na aming Panginoon at Tagapagligtas, kasama ng Espiritu Santo. Amen!

***


QUOTE-KUTIN: "In him was life, and that life was the light of men."

- John 1:4 (NIV).

Wednesday, January 20, 2010

Parang Walang Diyos Sa Haiti! Really?

Courtesy: NJ.COM



Totoong nakawiwindang ang mga eksena sa Haiti matapos na ito ay iwasiswas ng magnitude 7.0 na lindol noong January 12, 2010.

***


Sa mga footages ay makikita ang mga tulirong survivors na hindi malaman kung saan susuong; walang mailabas na emosyon. Ang mga gusali ay nagmistulang mga durog na pulboron. Walang kuryente, walang malinis na tubig, bagsak ang mga communication facilities, walang pagkain. Parang walang gobyerno.

Parang walang Diyos.


***


Nasaan nga ba ang Diyos noong mga oras na yaon? Some would easily conclude the absence of God. Dahil kung meron daw Diyos, how could He let things like this to happen?


***


But wait a minute, kapeng mainit! Hold your melodramatic pieces right there. Think about the survivors, the avalanche of global support and sympathies. May mga report pa nga na mga sanggol na isinilang sa gitna ng trahedya. Imagine, marami ang mga nasawi subalit may mga bagong buhay din na umusbong.


***


How come na mas nabibigyan natin ng bigat ang mga guho kaysa sa mga buo? Ang mga namatay kaysa mga buhay? Madali natin maramdaman ang kawalan ng Diyos sa mga super-pangit na pangyayari sa ating buhay subalit hirap naman tayong i-acknowledge ang Kanyang kamay sa mga super-ganda na mga bagay?


***


God has mysterious reasons for permitting tragedies to happen. Reasons na hindi kaagad-agad kayang abutin ng IQ ng isang normal na tao. Hindi sa gusto Niyang pahirapan ang tao kundi dahil sa kailangang mangyari ang mga ito.


***


Remeber Ondoy and Pepeng? Ano ba ang mga naidulot sa atin ng back to back na mga bagyong ito? Di ba mas minahal natin ang isa't isa? Di ba mas naging concern tayo sa environment at aware sa golbal warming? Di ba napatunayan natin na ang mga trahedya pala ay di lang pang-mahirap....

Pang-mayaman pa!


***


Halos ang buong mundo ngayon ay kumikilos upang tulungang makabangon ang Haiti. Pasimuno ang UNITED NATIONS at UNITED STATES sa relief operations. Sana sa part naman natin, na mga naniniwala sa kapangyarihan at pag-ibig ng Diyos, magsimula ang

UNITED PRAYERS.


***


Mga kapatid, walang relief goods ang makahihigit sa kaloob na panalangin sa mga biktima. Wala itong shortages, walang shipping problem, walang agawan sapagkat lahat ay puwedeng pagkalooban. In prayers, we can be generous as we want to be.

***


This is a great opportunity upang tayo ay makapamunga bilang Kristiyano. Invite your family, your classmates, office mates or tropa na sama-sama kayong manalangin para sa mga biktima ng sakunang ito. Kahit simple at maikling panalangin basta galing sa puso ay siguradong panalo.


***


Sabi sa Mateo 18:20, "For where two or three are gathered together in my name, there am I in the midst of them."

Hindi n'yo na kailangang lumayo. Diyan mismo sa favorite spot ninyo tuwing yosi break ay maaari na kayong mataimtim na yumuko at mag-alay ng short prayers. But if you can go extra miles by encouraging them to attend a Mass with you or go to the Blessed Sacrament mas panalo.


***


Let's pray:

Father God, Ikaw po ay tunay na mahabagin, mapagkalinga at nagdudulot ng lunas sa aming mga pasanin. Marapatin Mo pong muling ipadama ang Iyong mahigpit na pagyakap sa mga biktima ng mapaminsalang lindol sa Haiti. Igawad Mo po ang Iyong mahalagang pagbabasbas sa kanila upang sila'y hindi daigin ng pagsubok na ito. Masumpungan nawa nila ang katatagang muling bumangon sa pamamagitan na rin Iyong mga mapagpalang mga biyaya.

Lahat po ng ito ay buong galang naming ipinagmamakaawa, sa pangalan po ni Jesus, na aming Panginoon at Manunubos, kasama ng Espiritu Santo. Amen.



***


QUOTE-KUTIN: "For I know the plans I have for you," declares the Lord, "plans to proper you and not to harm you, plans to give you hope and a future. Then you will call upon me and come and pray to me, and I will listen to you."

- Jeremiah 29:11-12.

Wednesday, January 06, 2010

Ang Bunga Ng Menudo



January 2010, umpisa ng bagong taon. Marami sa atin ang may mataas na energy, punung-puno ng ideyalismo. Maraming gustong baguhin at ayusin sa kanyang buhay at sa mundo.

Marahil ay dala na rin ng sobrang daming kinaing Menudo noong Media Noche.

***


Normal na ito tuwing nagpapalit ng taon subalit normal na rin na nauuwi sa wala. January 10 pa lang ay nakakalimutan na ang magagandang mga plano sa buhay.

Tunaw na kasi ang Menudo?

***


Sana maiba ang 2010. Sana ay seryosohin mo naman sa taon na ito ang pagsasaayos ng mga bagay-bagay, una, sa buhay mo, at pangalawa sa mundo. Anu-ano nga ba ang mga pwede natin gawin upang magbago ang mundo ngayong 2010 at masabi mo sa December na ikaw ay tagumpay? Narito ang ilan sa aking expert suggestions, try at least one:

  1. Pumunta sa Mindanao at isa-isang hulihin ang mga Abu Sayyaf
  2. I-text mo ang Premiere ng China na bawasan ang carbon emission ng kanyang bansa upang makabawas sa global warming
  3. Kausapin mo nang masinsinan si Pangulong Gloria at ipakiusap na wag nang tumakbong Congresswoman sa Pampanga at itiklop na ang pangarap na maging Prime Minister
  4. Harangin ang lahat ng truck ng basura at i-segregate mo ang mga nabubulok at hindi nabubulok. I-recycle ang mga pwede pang gamitin
  5. Bantayan ang lahat ng mga "Bawal Umihi Dito" signs at kutusan ang sino man na lalabag


***


Subalit kung ikaw ay talagang seryoso na gumawa ng mga totally worthy na mga bagay this year, pwede ko bang i-suggest to reflect first on the Parable of the Talents?

***


Ito iyong kuwento tungkol sa isang panginoon na nag-iwan ng mga mina sa kanyang mga alipin. Ang isa ay binigyan ng 10, ang isa ay 5 at ang isa naman ay 1.

***


Matapos ang ilang panahon, nagbalik ang nasabing panginoon at tinawag ang kanyang mga alipin at pinag-report tungkol sa mga mina. Ang binigyan ng 10 ay ikinalakal ito kaya't nagbunga pa ng 10. Gayundin ang ginawa ng binigyan ng 5 kaya't tumubo pa ng 5. Samantalang ang binigyan ng 1 ay walang ginawa kundi itinago lang ang mina kaya't walang kinita, na sobrang ikina-bad trip ng kanyang bossing.

***


Ikaw, bilang isang Katoliko, alin ka sa binigyan ng mina? Yun bang pangatlo na hanggang ngayon ay di pa namumunga? Yun kuntento na nagsisimba every Sunday, nagdarasal pagkagising at bago matulog, nagbibigay sa mga charitable institutions at nagkukumpisal regularly?

***


Para sa sariling kaligtasan mo lang ang mga ito. Ayon sa parable, hindi ito ang gusto ng Panginoon. Inaasahan niya na ang faith na ibinigay sa atin ay magbunga rin naman para sa kaligtasan ng iba.

***


Sample - happy ka na nakakapagsimba ka every Sunday kaya dedma ka na lang kung ang ilan sa mga friends and relatives mo ay hindi ito ginagawa. Gosh, sinasayang mo ang chance mong mamunga. Kung kina-career mo sana na ma-convince silang magsimba na kasama mo, aba'y napakadaming bunga sana ito para sa iyo.

***


Na sa December sana, when you look back, mari-realize mo na ang dami mo palang naakay na magsimba every Sunday.

Mga 6,375.

***


Wow, mapapabilib mo ang Panginoon sa dami ng iyong mga naging bunga. Believe me, napakalaking blessings ang matatanggap mo mula sa Kanya. Your hard work and perseverance, pati na ang kakapalan ng mukha sa pag-iimbita, will not go unnoticed.

***


Ang Panginoong Jesus na rin ang nagsabi sa Mateo 6:33, and I quote, "But seek first his kingdom and his righteousness, and all these things will be given to you as well."

***


Tol, ang dami-daming ways upang tayo ay mamunga, hindi lang ang pag-aanyayang magsimba. Mga 6,375 pa ang pwede mong gawin upang makapagligtas ng maraming-maraming souls anf turn them as your bunga. Sa sinseridad ng iyong puso, ask Lord Jesus to help you maximize your creativity. Brace yourself, dahil ibubuhos Niya sa iyo ang maraming ideya.

***


In my future column ay magbibigay pa ako ng marami pang mga cute suggestions and tricks kung paano pa tayo puwedeng mamunga ng grabe.

Abangan: LARONG BASKETBALL CHAMPION SA PAMUMUNGA

***


Let's pray:

Lord God, minabuti mo pong ang Inyong mga kaloob na biyaya sa amin ay maibahagi rin namin sa aling kapwa. Tulungan mo po na sa pamamagitan nito ay maakay namin ang isa't isa patungo sa inaasam naming buhay na walang hanggan sa Iyong piling. Sa pangalan po ni Jesus, na aming Panginoon at Manunubos, kasama ng Espiritu Santo, magpasawalang hanggan. Amen.

***


Punuin natin ang mundo ng ating mga bunga. Kung kayo ay may mga suggestions kung paano pa tayong puwedeng mamunga ng grabe, post lang kayo ng comments dito or sa aming Facebook account: Facebook.com/anluwage or sa Twitter.com/anluwagedotcom. pwede rin mag-email sa anluwage1@yahoo.com.

***


Feel free to share this article and the rest of Anluwage.com's articles sa inyong mga Facebook friends para sila rin ay ma-bless at mamunga rin na kasama natin.

***


QUOTE-KUTIN: We don't do good things to become good Christians. We are good Christians that's why we do good things.

Thursday, December 11, 2008

Accidental Misyonero Si Pacman

Courtesy:pacquiaovideo.com


Ang bilis at bangis ng kamao ni Manny Pacquiao ang sinisisi sa pandaigdigang pagkapahiya ni legendary boxer Oscar dela Hoya sa kanilang sapakan noong Linggo, December 7, 2008, AD.

Dream Match. Daw.

***


Ngunit iba ang dialogue ni Pacman, na patuloy namang dinededma lang ng media. Ayon sa ating Pambansang Kamao, ang pinakadahilan ng kanyang panalo ay ang tulong ng ating Mahal na Panginoon.

Klap-klap-klap!

***


Itong ugali na ito ni Manny ang dapat natin kunin na balato. Hindi kailanman niya sinarili ang kanyang tagumpay. Alam niyang may higit pang makapangyarihan at natatangi kesa sa kanyang kamao.

At ito ay lagi niyang ipinaaalala sa atin lalung-lalo na sa tuwing siya ay sasampa sa ring upang makipagpisakan ng mata.

***


Hindi ko na nabilang kung ilang beses nag-sign of the cross si Pacman. Basta maraming beses. Mula sa locker room hanggang sa ibabaw na ng lona.

At kada round pa yata.

***


Subalit ang pinaka-nagpatindig sa lahat ng aking mga balahibo ay ang eksena kung saan ay idinedeklara na ang kanyang panalo.

Buong kababaang-loob na lumuhod ang lolo mo, pasubsob sa gilid ng ring at taimtim na nagpasalamat sa kanyang Mahal na Panginoon.

***


Alam ni Pacman na hindi niya kakayaning pitikin si Golden Boy dela Hoya nang walang tulong mula sa Diyos. At iyan ang paulit-ulit niyang sinasabi sa atin.

Sa salita at sa gawa.

***


Di man sinasadya ni Pacman pero sa kanyang ipinakikita sa ating halimbawa ng ganap na pagsuko at pagmamahal sa Diyos ay masasabi natin isa siyang misyonero.

Every letter of the word.

***


Sabi nga ng pari sa Quiapo, simple gesture lang ito subalit napakalaking implications. Matindi ang impact nito lalo na sa mga fans ni Manny. Alam naman natin kung paano manggaya ang mga fans sa kanilang mga idols.

Di ba nga nung nagpakalbo si Britney...

***


ANLUWAGE.COMIsa pa sa nakaintriga sa akin noong pinanood ko ang Dream Match ay yung taga-HBO na nag-interview kay Pacman sa ring after the bout. Napansin n'yo ba kung ano ang tawag niya kay Manny? Yung tunay na pangalan ni Pacquiao.

Emmanuel. Meaning "God is with us". Pasko na talaga.

***


Huwag ninyong kalimutang magdala ng payong sa Friday, sa inyong pagpunta sa Interfaith rally sa Ayala Avenue. Ating buong pwersang ipagsigawan ang ating pagtutol sa Cha-cha ni PGMA na kaduda-duda ang timing.

Teka, ang payong ay para sa ulan ha? Hindi yan pampukpok kay Nograles.

***


Ipanalangin nga natin itong mga kapalmuks na mga ka-Cha-cha ni PGMA. Isinasangkalan ang mga economic reforms kuno-kuno pero may mga term extension agenda naman sa bulsa.

Itaas ang mga rosaryo!

***


Nasaan na ang mga Claro M. Recto, Carlos P. Romulo at Jovito Salonga natin? Bakit puro mga buwaya na yata ang naghaharian sa gobyerno? Wala na ang mga tunay na statesmen ng bansa.

Ihanda ang agua bendita!

***


Wag kayong mawawala sa gift madness ng Anluwage.com from December 16 to 24. Tampok dito ang mga kakaibang gift suggestions na bukod sa walang gastos garantisado pang patok sa panlasa ng inyong mga pagbibigyan.

THE NINE GIFTS. Don't miss it.

***


QUOTE-kutin:
"Don't tell God that you have big problems. (Instead) tell your problem that you have a big God. "
- Manny Pacquiao

Friday, December 05, 2008

Ikaw 2009 Beta Edition

Advent. Panahon ng paghahanda para sa pagdating ng Panginoon. Paano mo gagawin iyon? Treat yourself to a system upgrade.

From IKAW 2008 to IKAW 2009 Beta Edition.

***


Yup, kailangan mo talaga ang system upgrade upang ganap mong mai-download si Lord sa iyong buhay. Kung nag-fail ang Ikaw 2008 it's necessary to take the next level and acquire Ikaw 2009.

And make sure this time it works.

***


FULL SCAN - This is step 1. Bago ka mag-upgrade, busisiin mo muna ang naging performance mo in the past 12 months. Gaano karaming errors ang nagawa mo sa buhay mo? Ilang beses kang na-virus-an dahil sa pagda-download sa maling panginoon? Baka nandiyan pa ang mga Trojan, worms at kung anu-ano pang virus sa buhay mo na kailangang ma-disinfect or totally ma-delete.

Bisyo, pag-iinarte, kapraningan, katamaran, blah, blah, blah...

***


REFORMAT - Kung hindi kaya sa reboot, kailangan mo ng major reformat - Kumpisal. Kailan ka ba huling nangumpisal? Panahon pa yata ng Lotus 123? Take this chance, bro, burahin mo na ang mga nakaka-bad trip mong ugali't asal at siguradong gaganda ang performance mo.

I-drag mo lahat sa recycle bin, este sa kumpisalan pala.

***


ANTI-VIRUS - Prayer 2.0 is the best anti-virus in the market. Kung ito ay naka-on 24/7, walang anumang virus ang makakaporma sa iyo. Lalo na kung iyong professional edition ang ii-install mo. Kase nga connected ka sa server ni Lord.

Recommended upgrade: HOLY MASS.

***



Now that you have cleared your cache, you are good as new. Time to find out what's hot and what's not in the Ikaw 2009 Beta Edition.

***


BLUETOOTH - Make sure you are equipped with it. Maximize sharing yourself to others and be prepared to learn something from them too.

***


NETWORK - Connect. Hindi lang ikaw ang tao sa mundo. Wag kang makasarili. Appreciate the planet. Co-exist with your in-laws, officemates, classmates, cellmates, soulmates and textmates. Reach-out.

***


CAM 13 MEGAPIXEL - A picture paints a thousand words. Something to this effect. Life's so short at minsanan lamang kaya dapat matindi ang kodak na gamit mo. Bawat moment sa buhay mo at sa mundo mo dapat ma-capture mo para maganda ang profile mo sa Heavenster. Of course not literally na papa-piktyur ka. The point is di ba kapag nagpapakodak ka inaayos mo muna ang buhok mo, ang damit mo at ang pose mo? Dapat lagi mo rin isipin na ang buhay ay parang pagpapa-piktyur - kailangan maayos lagi ang sarili mo.

Dapat walang red eye at sungay.

***


MEMORY - Ilang giga ka ba? Oo, ilang gigabytes ba ang Ikaw 2008 mo? Lagi ka kasing puno. As in punumpuno. Punompuno ka na sa parents mo, sa gobyerno, sa mga prof mo, sa celfone network mo, sa Channel 2 at sa kasisigaw ng mga hosts ng Wowowee. Wala ka nang pasensiya. Galit na galit ka sa mundo.

Try to get 80GB.

***


Malapit na ang Christmas pero kulang pa rin ang mga pang-regalo mo? May mga suggestions ang Anluwage.com sa inyo beginning 15 December 2008.

THE NINE GIFTS. Abangan.

Thursday, November 13, 2008

JC Ang Kanyang Initials

Si + Fernando Poe , Jr ay hari daw ng pelikulang Pilipino. Tinatawag pa nga natin siyang Da King. Si +Elvis Presley naman ay hari ng Rock & Roll. Si +Asyong Salonga ang hari ng Tundo. Si Dolphy ang nag-iisang Comedy King.

Si Berwin Meiley ang hari ng sablay.


***



Marami tayong hari sa ating buhay. Idagdag pa natin ang mga naging hari ng iba't ibang bansa noon tulad ng England, Spain, Portugal at iba pa. Pero nasaan na ba sila ngayon?

Lahat sila ay mga nag-evaporate na, maliban sina Pidol At Berwin.


***



ANLUWAGE.COMSubalit ang career ng Hari ng mga Quizons ay hindi na rin mainit ngayon kumpara noong kanyang kapanahunan. Samantalang this hari ng sablay thing eh pupugak-pugak pa rin ang stardom, as of this writing.


***



I therefore conclude na walang staying power ang mga Majesties na ito dahil nagsikupas ang kanilang mga korona. Ngunit mayroon akong kilalang hari na hanggang sa ngayon ay makislap ang korona.

Sino? PLease scroll down.


***



Clue no. 1: Kakaiba ang hari na ito. Siya ang naglingkod imbes na siya ang paglingkuran.

Clue no. 2: Magaling siyang gumawa ng alak. Napalakad niya ang mga lumpo, napagsalita ang mga pipi, nakakita ang mga bulag at binigyang pandinig ang mga bingi.
Ang alin?

ANG MGA BINGI!

***


Clue no. 3: Hindi pangkaraniwan ang kanyang trono - 2 kahoy na pinag-ekis at ang kanyang naging higaan ay mga dayami.

Clue no. 4: Pero kaya niya tayong bigyan ng buhay na walang hanggan. Namatay siya subalit nabuhay uli makaraan ang 3 araw. Ito ay upang akuin ang ating mga kasalanan. Kung ibang hari lang siya, malamang tayo pa ang mabitay.

Clue no. 5: Ang kanyang pagkahari ay walang limitasyon. Siya lang ang hari ngayon, bukas at magpakailanman.


***



Last clue : JC ang kanyang initials. Gets n'yo na?

***


Feast of Christ the King na sa November 23. Wag natin kalilimutang maglagay ng Yellow and White flags sa harapan ng ating mga bahay bilang pagpupugay sa dapat nag-iisang Hari ng ating mga buhay.

Mas ok kung may imahen o picture din Niya.

***


ANLUWAGE.COMHalos kumpleto na ang line up ng mga magsusulat para sa "The Nine Gifts," ang Advent special ng Anluwage.com.

Abangan kung sinu-sino silang mga tutulong sa atin sa pag-iisip ng magandang regalo para sa ating Panginoon sa kanyang birthday sa December 25.

***


QUOTE-kutin: "Iba ang walang ginagawa sa gumagawa ng wala." - Bob Ong

Saturday, January 12, 2008

Pista O Riot?

Muli na namang ipinagdiwang ang pamosong Pista ng Itim Na Nazareno ng Quiapo noong January 9. Gaya nang inaasahan, ito ay dinayo na naman ng libu-libong katao.

Deboto, usisero, negosyante, pulis, media, kulto, pulitiko at kung anu-ano pa.

***


Ito ba ay pista o riot? Taun-taon ay paulit-ulit na lang ang mga eksena ng balyahan, tulakan, himatayan, at minsan pa ay kamatayan subalit bakit hanggang ngayon ay tila hindi maisaayos ito?

O talagang walang balak ayusin?

***


Ilang rectors na rin ang nanungkulan sa Basilica ng Quiapo bago ang kasalukuyan na si Msgr.Clemente Ignacio ngunit walang nagtagumpay na isaayos ang pagdiriwang na ito. Totoo nga na mahirap kalabanin ang daang taon na tradisyon pero paano naman kung mauwi na ito sa totoong malaking trahedya?

Knock on the wood!

***


Kung nakita ninyo ang video footages ng GMA-7 talagang kikilabutan kayo sa tagpong inilalabas na ang imahen ng Nazareno. Ang mga tao ay para talagang alon na inihahampas sa kanan at sa kaliwa dahil sa pag-uunahan na makalapit sa karosa o sa lubid man lamang.

Katiting na lang malaking disgrasya na.

***


'Wag na natin hintayin na maging pinakamalaking sakuna ito sa kasaysayan ng Simbahan. Kumilos na tayo, este, sila pala. I mean yung Comite de Festejos. Sana lang ay pakialaman na ito ng Mabunying Kardinal Gaudencio Rosales.

Hangga't maaga po.

***


Your Eminence, puwede po bang mag-request? Next year po ba puwede kayang sa Quirino Grandstand na lang isagawa ang pagdiriwang na ito? At least doon medyo maluwag-luwag ng konti ang lugar. Doon kaya natin idaos ang isang malaking Misa, prayer rally at saka mag-prusisyon sa Roxas Boulevard?

Effective kaya?

Saturday, October 20, 2007

Tagay Decree

Sa bisa ng Tagay Decree No. 01, idinedeklara ko ang buwan ng Oktubre bilang Doing The Right Thing Month. Sa tuwing sasapit ang buwan na ito, lahat ng mambabasa ng Tanggero ay kinakailangang makibahagi sa pagpapalakas ng ating kampanya sa paggawa ng tama.

At all cost.

***


Mas maganda nga kahit hindi October ay tuloy-tuloy ang kampanya natin. Let’s make Doing The Right Thing a national past time. Look at former priest Pampanga Governor Ed Panlilio. Nakatanggap umano siya ng regalong mahiwagang bayong mula sa Malacanang matapos dumalo sa isang meeting. Ang mahiwagang bayong ay naglalaman ng kalahating milyong piso.

Ang laki namang pamalengke nito!?

***


Alam ni Gov. Panlilio na sa ginawa niyang pagkanta tungkol sa Mahiwagang Bayong ay magiging mortal siyang kaaway ng Palasyo, gayundin ng iba pang nakatanggap ng kaparehong bayong. Puwede siyang bweltahan ng mga ito, at idamay pati ang pamilya niya.

Ngiii! Kakakot ako!

***


Pero para sa Gobernador, he must do the right thing kahit sino pa ang masagasaan. Inilabas niya sa media ang kababalaghan at itinanong sa nagregalo ng bayong kung para saan ang malaking pera na laman nito gayung malayo pa naman ang Pasko at di naman niya birthday. At saka bakit walang resibo o voucher man lang kung ito ay official disbursement?

***


Sigurado ako na pinag-isipang mabuti ni Gob ang kanyang ginawa. Marami siyang ikinunsidera: ang kapakanan ng kanyang mag-anak at mga kapwa kapampangan, atbpa.
Pero Alleluia, Praise the Lord, nanaig sa Ama ng mga Kabalen ang paggawa ng tama.

Tama naman siya, di ba? Dahil kung hindi siya tama, maliwanag na mali siya.

***


Sayang yung P500 thou. Anyway, sa araw-araw na buhay natin lahat tayo ay dumadaan sa Doing The Right Thing test. Ang tanong, pumapasa ba tayo? Eh kung makakita ka ba ng patayan ngayon at namukhaan mo ang killer, iri-report mo ba ito sa pulis o deadma ka na lang?

“Mag-isa ka! Paano kung namukhaan din ako ng killer at baka ako pa ang isunod?!”

***


Neknek mo! Paano naman kung pumatay pa nang pumatay ang killer at wala kang ginawa? Paano kung kapatid mo o GF mo ang susunod na mabiktima? Mahirap gumawa ng tama, ano?

Pero we must do the right thing. Dahil ito ang dapat.

***


Paki-save na lang sa inyong mga cellfones ang “Panatang Maka-Right Thing” at bigkasin natin ito sa tuwing daraan tayo sa hamon ng paggawa ng tama:

Namumuno: Sa panahong mabuntis ako at ayaw akong panagutan ng walanghiya kong boyfriend, hinding-hindi ko ipalalaglag ang bata, kahit pa gulpihin ako ng OFW kong tatay, kahit pa tawagin akong single-mom…

Lahat: We must do the right thing, dahil ito ang dapat!

Namumuno: Sa panahong inaaya ako ng bago kong boyfriend na kami ay mag-sex kahit di pa kami kasal, tatanggi ako kahit pa hamunin niya ako ng cool off, ok lang, marami pa naman lalaki diyan.

Lahat: We must do the right thing, dahil ito ang dapat!

Namumuno: Sa panahong gipit na gipit ka, kailangan mo nang pambayad sa eskuwela para sa Final exams, nakita mong naiwanan ng kaklase mong mayabang ang kanyang cellfone na N73, isosoli mo ito sa kanya kahit pa walang ibang tao sa classroom ninyo.

Lahat: We must do the right thing, dahil ito ang dapat!

Namumuno: Sa panahong malakas ang ulan o ihing-ihi ka na at pakiramdam mo ay gusto nang umagos ng isang litrong RC Cola na ininom mo kanina, pipilitin mo pa rin pumunta sa tamang tawiran para tumawid.

Lahat: We must do the right thing, dahil ito ang dapat!

Namumuno: Sa panahong mukha ka ng tanga dahil ikaw na lang ang gumagawa ng right thing sa pamilya mo, sa barkada mo, sa barangay n’yo, subalit mananatili ka pa rin matatag at hindi patitinag sa kanilang pang-aakit, kahit pa barilin ka sa Luneta kagaya ni Rizal, at least ikaw ang kikilalaning Martir ng Right Thing.

Lahat: We must do the right thing, dahil ito ang dapat!

Thursday, October 11, 2007

History of Friendship

Finally, this is your chance to catch the much awaited and much-talked about Video of the Century, nominated in 2006 New York TV Festival and finalist to Asian TV Awards. However, due to the sensitivity of the theme and some graphic scenes, parental guidance is advice.

Ready?

***


The video you are about to see are excerpts, (repeat after me – excerpts), from the original video created by Art Reyes and from the script I wrote (two lines-script as a matter of fact). This is a 5 minutes digital epic, considered by the critics as one of the most powerful human drama since "The Ten Commandments", is loaded with exhilarating emotions flowered by rugged visual effects and some times disturbing violence.

***


The story is about friendship and betrayal, passion and selflessness, myth and reality. The birth, death, and resurrection of a dream, a dream totally inspired by the son of a simple carpenter from Nazareth.

***


Nyak! Ano ba itong mga pinagsasabi ko?! Panoorin na lang nga natin:

***














***


Sa loob ng labing-anim na taon, ang Tanghalang Anluwage ay patuloy na nangangarap at naniniwala na ang lahat ng Kristiyano ay karpinterong katulong ni Kristo sa pagbuo ng Dakilang Pamayanan ng Diyos. Bawat isa sa atin ay may kabuluhan at papel na dapat gampanan.

Ikaw ba ay isang martilyo? Pako? O baka katam?

Thursday, October 04, 2007

Ang Sarap N'yong Kaibigan!

Excuse me po! Gusto ko lang ihandog ang tagay na ito sa mga haligi, dingding, bubong, sahig at kisame ng Tanghalang Anluwage, Inc. na magpasa-hanggang ngayon ay nananatiling kaibigan at kasama natin sa paglilingkod sa Diyos at sa Kanyang bayan.

Sixteen years na tayo ngayong October 6, mga kapatid, pero bakit di pa rin ako nagsasawa sa inyo?

***


Ang sarap n'yo kasing kaibigan. Sa dami ng mga pinagdaanan natin, makakalimutan ko pa ba ang mga pagmumukha ninyo? Hindi siguro. Magkaroon man ako ng mga bagong kaibigan, kakilala, kainuman, hinding-hindi ko kayo ipagpapalit.

Amen!

***


Praise the Lord! Maraming salamat sa friendship. Jesus, our loving Savior and King binds us together. Hangga't patuloy tayong nakakapit sa Kanya, hinding-hindi tayo magkakahiwa-hiwalay.

Kaya don't dare bumitiw.

***


Let me share with you this pasa-email I got to express how our friendship means to me. Same goes to our new found friends here in Anluwage.Com:

Horror gripped the heart of the World War I soldier as he saw his lifelong friend fall in battle. Caught in a trench with continuous gunfire whizzing over his head, the soldier asked his lieutenant if he might go out into the "no man's land" between the trenches to bring his fallen comrade back.

"You can go," said the lieutenant, "but I don't think it will be worth it. Your friend is probably dead and you may throw your life away." The lieutenant's advice didn't matter, and the soldier went anyway. Miraculously he managed to reach his friend, hoist him onto his shoulder and bring him back to their company's trench. As the two of them tumbled in together to the bottom of the trench, the officer checked the wounded soldier, and then looked kindly at his friend.

"I told you it wouldn't be worth it," he said. "Your friend is dead and you are mortally wounded." "It was worth it, though, sir," said the soldier. "What do you mean; worth it?" responded the lieutenant. "Your friend is dead" "YES, Sir" the private answered. "But it was worth it because when I got to him, he was still alive and I had the satisfaction of hearing him say, "JIM........, I KNEW YOU'D COME."

Wednesday, September 19, 2007

Tulak Online

Totoo ang sumpa! Nagkakatotoo na nga ang sinasabi ng medalyon. Ito na ang kinatatakutan ng mga baraha.

Mga alipin, mag-ipon na nang maraming asin at kulantro. Ito na iyon.

***


Seryoso ito mga kapatid. Ito na ang kaganapan ng hula ni Haring Mangganghinog – na gagamitin nga umano ang internet sa pagtutulak at paggamit ng droga. Di siya nagkamali sapagkat damang-dama na ito sa lupain ng mga forums, chat at social networking na kagaya ng Friendster at MySpace.

***


Sa pamamagitan ng mga message boards, private chat rooms, private groups, group emails ay nagkakausap-usap ang mga aning-aning na mga kapatid nating adik-adik at malayang nagpapalitan ng kanilang mga ekspertong kuro-kuro, pala-palagay, at mga karanasan tungkol sa kung paano at saan makakakuha ng mga epektos, anu-ano ang mga “in” sa palengke ngayon, mga tricks at tips, mga “gadgets”, et cetera.

***


Isa sa mga hot topics ay ang mga personal experiments ng mga praning na ito na kanilang ipinagyayabang sa mga kapwa praning.

Sample#1 - “Wow, tsong, nasubukan nyo na ba ang tama ng alketran sa bagong aspaltong kalsada? Da best. Class A.! Try nyo lang.”

***


Sample# 2 - “Mga dude, nabasa ko sa kabila na malakas daw ang sipa ng Red Horse na hinaluan ng lacquer thinner. Ratings pls.

***


Ang cute sa mga bangengeng ito ay magaling silang gumamit ng mga codes sa kanilang mga messages kaya di basta-basta madi-decode ng kung sinu-sino lang most especially ng mga parents. BRB MOTS.

Aakalain ng ilang mga nanay na naglalaro lang ng Scrabble ang kanilang musmos kaya ito nagta-type ng mga letrang hindi mabasa.

Ang di niya alam, “Be Right Back, Mother Over The Shoulder” ang ibig sabihin nito o sa Tagalog, “Teka lang, bad trip, nasa likod ko ang nanay ko.”

***


Nyahaha! Saan na patungo ang susunod na generation? Masyado nang hi-tech. Wala nang nagpipiko, wala ng naglalaro ng tanching, patintero, siyato at wala na rin may gustong maghila ng lata ng evap na may gulong na gawa sa sirang tsinelas. Sa panahon ngayon, puro abbreviations na ang pinagkakaabalahan ng mga bata: PC, MP4, PS3, CP, SMS, CWL, LBM, SM atbpa.

Hanggang sa pagdo-droga ba digital na, coded pa?

***


Basta na lang ba natin kalilimutan ang tradisyunal na pagtutulak ng droga? Huwag! Tulungan natin panatilihin ang pagbebenta ng droga sa mga malalapit sa paaralan, sa mga mall, sa mga presinto, sa mga preso sapagkat mas madali natin itong mahuhuli kesa sa mga transaksyon na nagaganap online.

Malufet ito at hindi basta-basta mahuhuli.

***


Ang nakakalungkot iisa pa lang ang ipinapalagay na solusyon sa problemang ito – ang pagtutok ng mga magulang sa online activities ng kanilang mga anak. Ito ay kung sa bahay nag-i-internet si Junior o si Nene. Sabi ng mga eksperto, ilabas sa sala ang PC para namo-monitor ang mga galaw nila. Pero tiyak na mag-aaway muna kayo bago mangyari ito.

Pero paano kung sa labas sila nag-i-internet? Aber?

***


BRB MOTS!

Thursday, September 13, 2007

Because I Love Our Seminarians

Sa wakas ay nagbigay na ng statement ang aking iginagalang at iniidolong alagad ng Diyos, si Bishop Soc Villegas, ang Obispo ng Balanga, Bataan, at nakilala rin bilang Little Cardinal Sin, tungkol sa kanyang involvement sa Doble Incident sa San Carlos Seminary na may kinalaman pa rin sa usapin ng wire tapping.

Narito ang opisyal na pahayag ng soft-spoken na si Bishop Soc na inilathala ng RCAM.org:

I wish to present the following recollection of events that led to my involvement in the Doble incident at San Carlos Seminary.

Around late morning of June 13, 2005, I received a phone call from our seminary priests at San Carlos Seminary asking for help because the seminary could not continue its regular program for our future priests on account of the disorder in the compound caused by the presence of Atty. Ong and Mr. Doble in the seminary premises and the consequent media presence by the only gate of the seminary. The seminary needs to maintain an atmosphere of prayer, reflection and study. I promised to help and go to Manila to assist them. The same morning I received another call on my mobile phone from Ms. Medy Poblador whom I knew as one of the assistants of former President Corazon Aquino (later on I realized that she was no longer an assistant of the former President but had become a staff for President Gloria Macapagal Arroyo.) She asked me if I was aware of the on going crisis inside the San Carlos Seminary compound. I said yes as I expressed concern for our seminarians inside the compound whose priestly discipline of study, prayer and silence was being disturbed by the presence of Atty. Ong and Mr. Doble. She said there were plans to use military force to get Atty. Ong and Mr. Doble out of the seminary. I raised alarm about endangering the lives of our seminarians. Medy asked if I was willing to help. I said “Of course for our seminarians I will do everything!”

She then asked me if I could go to Manila. I said yes and promised to be in Manila in two and half hours. She replied that it might be too close to the military deadline. She then offered that I be fetched by helicopter from Balanga City. Reluctantly because o knew the condition of most military helicopters, I agreed. My seminarians’ welfare was foremost to me.

I was fetch by the military helicopter at the PNP Camp in Balanga. I landed in Camp Aguinaldo and was brought to the AFP Officers Club where they offered me lunch. I declined because I wanted to be brought immediately to the seminary to relive the situation. Commodore Danga and General Adan offered to orient me briefly of the situation using the television. I was shown a television footage of the wife of Mr. Doble at the gate of the seminary asking for help that her husband may be allowed to leave the seminary. I was told by one of the military officials that the wife was under their care inside the officers’ quarters. After the brief orientation, I took a black van offered by Commodore Tirso Danga and went to San Carlos Seminary alone with the driver. On the way, I called Archbishop Rosales on my mobile phone to seek his blessings. He assured me of his blessings and admonished me exhaust all means to avoid violence.

I went to the visitors’ reception where I found Mr. Doble alone. I introduced myself and told him I was there to bring him out of San Carlos Seminary. Seeming skeptical of me, I have the cell phone of your wife to prove to you that I am a good person and I will cause you no harm. Mr. Doble talked to his wife on the phone. After the conversation, Mr. Doble said to me he was ready to go with me. I asked Mr. Doble where he wanted me to bring him. He said “To my family.” I brought him to the seminary chapel to pray. Bishop Cortez and some priests came to send him off. Mr. Doble thanked them and asked for understanding for the troubles to the seminarians.

The black van brought us to Camp Aguinaldo at 1:35 p.m. I was led to a room in the AFP Officers Club where Mrs. Doble and the children were waiting. Having brought Mr. Doble back to his family, I left the room out of revenge for the intimacy of the moment. Some of the officers expressed thanks to me but I told them that I really did it for our seminarians not for anyone in the government.

I wish to state categorically that I did what I did because of my love and concern for our distressed and confused seminarians whose building was trespassed and whose seminary rhythm and priestly discipline was disturbed.

I did it as a bishop whose main duty is to be a father to his priests and future priests. If there was indeed to be military operation in the seminary to bring out Mr. Doble and Atty Ong that day, I wanted to be with our seminarians and priests at that moment of crisis to assure them, to console them and tell them that I was ready to die with them.


***


Nais ko pong pasalamatan, sampu ng aking pamilya, ang mga taong nakiramay at nag-alay ng panalangin para sa namayapa kong Lolo Milio. Pagpalain kayo ng Dakilang Diyos.

Thursday, September 06, 2007

Wala Kayo Sa Lolo Ko


Pasintabi sa mga lolo ninyo, pero para sa akin ang Lolo Milio ko ang pinaka da best lolo in the whole wide world.

***


Kaya nga hirap na hirap ako to let him go. Sa pamilya namin, ako ang huling tumanggap na kailangan na niya talaga kaming iwan. Oo nga't 88 years old na siya pero para sa akin it's still early. Marami pa akong gustong ipadama sa kanya, mga kasaganahan sana na hindi niya naranasan sa tanang buhay niya subalit kinapos na ako ng oras.

Tay, ba't ka naman nagmadali?

***


Ang galing kong magbigay ng advice sa mga kaibigan na may mahal sa buhay na malapit nang yumao o kayayao pa lamang. Ang daling sabihin na "Mapayapa na siya," "Nagpapahinga na siya," "Kasama na siya ni Lord," na "Lumipat lang siya sa kabilang buhay" subalit kapag ikaw na pala mismo ang mawawalan o nawalan lubhang napakahirap intindihin ang mga salitang ito. Talaga palang posible na kwestyunin mo ang Panginoon.

***


Pero na-realize ko later on na masyado pala akong self-fish. Ayaw kong bitiwan ang lolo ko kahit pa alam na alam kong nahihirapan na siya sa kanyang kalagayan. Basta, ang hirap! Maniwala kayo, ang hirap! Kailangan mo talaga ng matatag na pagtitiwala sa Diyos.

***


Ngayon ay unti-unti ko nang nakukumbinsi ang sarili ko na tanggapin na talagang nagpauna na ang mahal kong Lolo. Iisipin ko na lang na walang muling pagkabuhay kung wala ang kamatayan. Please pray for me.

Please pray for the soul of my beloved Lolo.

***


Tay, ang daya-daya mo. Hindi mo na hinintay na matupad ko ang mga pangarap ko para sa inyo ng Nanay. Alam kong masaya at payapa ka na sa piling ng ating Mahal na Panginoon. Maraming salamat sa lahat: sa pagmamahal at sa pag-aaruga mo sa amin.

Hanggang sa muling pagkikita!

Saturday, August 04, 2007

Everybody Happy, Di Ba Fr. Rowen?

Bihirang-bihira ako makatanggap ng mga good news lately pero recently may dumating na isa. Matinding-matindi. Isa raw sa pinakamatalik kong kaibigan ay naging ganap nang pari – si Rev. Fr. Rowen Zausa Carlos, CM.

Hanep! Ibang level na ‘to!

***


Siya ay inordinahan noong July 21, 2007 sa San Marcelino Church sa Ermita, Maynila, sa pamamahala ni Bishop Josè Advincula ng Negros Occidental. Sayang at wala ako roon; sana’y nakita ko kung gaano kasaya ang mukha ng aking kaibigan. Sa totoo lang, pakiramdam ko ngayon parang pati ako ay naordinahan dahil sa sobrang tuwa at excitement. Alam ko kasing hindi biro ang kanyang mga pinagdaanan maabot lamang ang kanyang pangarap na maging alagad ng Diyos.

He made it. Ginusto talaga ni Lord.

***


Sabay kaming pumasok sa Knights of the Altar noong 1984 at dito nabuo ang aming pagkakaibigan. Sa halos araw-araw na kami ay nagkasama ay hindi nalihim sa akin ang kanyang pagnanais na maging pari. Hindi ko alam kung kailan niya naramdaman eksakto ang kanyang calling pero talagang napaka-relihiyosong tao ito.

It runs in the family.

***


Subalit sa simula’t simula pa lamang ay alam na namin na hindi patag ang kanyang daraanan. Napakaraming tinik. Akala ko nga ay talagang hindi na siya matutuloy sa kanyang bokasyon. Isa sa kanyang naging major concerns ay ang pagbalanse sa kanyang responsibilidad sa pamilya at sa pagnanais na maging pari.

Ikaw kaya ang malagay sa ganoong sitwasyon, ano kaya ang gagawin mo?

***


Correct me, Fr. Rowen, if I am wrong, pero hindi lang isang beses ka lumabas ng seminaryo dahil kinailangan ka ng iyong pamilya. Dumating pa nga sa punto na nag-seaman ka muna di ba? Tanda ko huli tayong nagkita ay isang araw bago ka tumulak patungong Italy.

Grabe talaga manubok si Lord ‘no?

***


Ngunit sa kagaya niyang may malalim na pananalig, siguradong nanghingi siya ng wisdom at strength sa Panginoon upang magawa niya ang tamang desisyon. Kaya nga ang kanyang ginawa: tinugunan ang pangangailangan ng kanyang mag-anak at saka ipinagpatuloy ang bokasyon.

Everybody happy. ( Pati kaya yung mga ex-gf ? He-he-he! )

***


Congrats, Padre! We are praying for you and your ministry. We know that there are still rough roads ahead.

Just read the road signs carefully.

Thursday, July 26, 2007

No Smoking

Dapat nating seryosohin ang kampanya ng Department of Health at ng mga duktor laban sa paninigarilyo. Mantakin n'yo, pati mga duktor ay nananawagan na upang 'wag na tayong magsindi ng yosi. Talagang seryoso na ang isyu. Hindi alintana ng mga duktor na maaaring kumonti ang kanilang pasyente kung mababawasan ang maninigarilyo.

Klap! Klap! Klap!

***


Di ko lang talaga maintindihan ang tigas ng ating mga kukote. Alam naman natin na ang pagsupsop ng sigarilyo ay nagdudulot ng lung cancer, alta presyon, paninilaw ng ngipin, pimples, body odor, at kanser sa bulsa pero talagang napakakulit natin. Napakakulit natin. Napakakulit natin.

Napakakulit natin.

***


Napakakulit natin! Para pa rin tayong mga tambutso na panay ang usok ng bunganga. Hindi na kasi natin ito mapigilan dahil adik na tayo sa nicotine na taglay nito. Di na rin natin namamalayan na sinira na nito ang ating mga ulo. Ano ang mga signs?

Una, pag naniniwala kang mas masarap umebak kung sasabayan mo ng paninigarilyo.

***


Secondly, kapag ikaw ay naniniwala na ang sigarilyo ay da best pagkatapos kumain dahil tumutulong ito sa pagtunaw ng iyong kinain.

Pangatlo, kapag ikaw ay naniniwala na ang isang stick ay nakakabusog, kaya ito ang inaalmusal mo kasabay ng isang tasang kape.

***


Pang-apat, 'pag nag-iipit ka na ng sigarilyo sa magkabilang tenga.

Panlima, 'pag tinitira mo kahit hindi mo brand dahil wala kang pambili.

Pang-anim, 'pag nagdu-drawing ka na ng hugis bilog sa hangin sa pamamagitan ng usok

***


Ilan lang ang mga ito. Marami pa kung tutuusin ang masamang epekto ng yosi sa utak ng tao pero sorry to say hindi na yata ito maiintindihan ng mga adik dito dahil barado na ng usok ang kanilang mga utak.

***


Bad trip lang ako sa lipunan natin. Panay ang sabi ng mga eksperto na talagang nakakaadik ang sigarilyo pero bakit ang shabu at marijuana lang ang ipinagbabawal? Dahil ba sa kawawa naman ang mga tobacco growers ( grawerrrs! ) at mawawalan sila ng hanapbuhay gayundin ang libu-libong takatak boys sa kalsada? Dahil ang mga cigarette manufacturers ay nagbabayad ng malaking tax sa gobyerno?

Grrrrrr!

***


Matagal na sanang tapos ang usaping ito kung seryoso lang talaga tayo. Ipagbawal ang pagtatanim ng tabako gaya ng pagbabawal sa pagtatanim ng marijuana at ikulong ang sinumang mahuhulihang may sigarilyo. Di man ito tuluyang mabura sa lipunan, at least mababawasan ang gagamit nito dahil sa tataas ang presyo nito at patago na ito kung ibebenta.

In your dreams, Mokong!

***


Akala ko siya na ang babaeng ihaharap ko sa altar. Ginawa ko pa ngang desktop background yung picture niya. Kinikiss ko pa nga ito at kinakausap kung minsan. Kaso, isa lang pala siyang malaking pagkakamali.

Goodbye, Angel Locsin!

***


Tandaan ninyo, mga Kapuso, ang pagtanaw ng utang na loob ay walang presyo. Hindi porke't ayaw kang ibili ng iPod ng tatay mo o madalas kang utusang maglinis ng bahay ng nanay mo eh magpapalit ka na ng magulang!

Kung tumatanaw ka ng utang na loob sa iyong tatay, hindi ka pupunta sa kanyang kaaway para magpaampon. Kung masakit sa iyong iwanan ang nanay mo, bakit kailangan mo siyang iwan, eh di ka naman niya pinaaalis?

***


Ang 'di marunong lumingon sa pinanggalingan ay....late na sa school!

***


Happy birthday to our August celebrators:

MY DEAREST LOLO MILIO & Rommel Viray ( 5 )
Ninong Andy ( 26 )
Jenni Bernardo & Rona Sia( 28 )
Arnel Matias & Arnold Vidar ( 29 )
Roxanne Sia ( 31 )

Saturday, July 14, 2007

iPHONE I Naku!

Dalawang major technological breakthrough in the history of mankind ang inilunsad nitong nakaraang dalawang linggo. Una ay ang Boeing Dreamliner 787 at pangalawa ay ang kinababaliwan ng mga Kano sa ngayon na iPhone.

***


Ipinagyayabang ng Dreamliner na yari sa high-tech plastic at carbon fiber ang malaking bahagi nito kaya higit na magaang kesa sa mga naunang eroplano. Ito rin umano ay kumukunsumo ng 20% less na fuel kaya naman nag-uunahan ang mga airlines sa kanilang pag-order.

***


Sa ngayon, nakatanggap na ang Boeing ng 677 orders mula sa 47 bansa na nagkakahalaga ng $146 to $200 million ang bawat isa. Target ng Boeing na makapag-produce ng 2,000 nito sa loob ng 20 taon.

***


Samantalang ang higanteng US gadget company na Apple ay tinatayang nakapagbenta na ng humigit-kumulang 700,000 na iPhone mula ng ito ay ilabas sa US noong June 29, 2007 lamang.

OMG! Within 2 weeks lang. Ganito ba kalukring ang mga Kano sa cellphone?

***


Ibang klase raw kasi ang iPhone ayon sa media-hype ng Apple. Ito ay iPod music player, mobile telephone, email at internet gadget packed in one. Isa pa raw sa magandang feature nito ay ang napakadaling pagbili ng mga digital music online. Hindi kataka-takang ang mga higanteng network providers ay nagpapakamatay makuha lamang ang exclusive marketing rights nito. Sa US nga, tanging AT&T lamang ang pwedeng magbenta nito.

Locked-in!

***


Pero teka, sa pamamagitan kaya ng higanteng eroplano ay mababawasan na ang ating pagkakawatak-watak? Matatapos kaya ng component cum cellphone ang ating mga miscommunications?

Di rin.

***


Kasi naman, tanging si Jesus lang ang may kakayahang paglapit-lapitin tayo. Tanging si Jesus lang ang susi upang magkaunawaan na tayo.

Amen?

***


Marami ang napalunok sa balitang ibinalik daw ng Santo Papa ang Tridentine Mass o Misang Latin. Totoo ang balitang ito. (Lunok!) Subalit, ngunit, datapuwat ito ay karagdagan lamang sa Misang ginagamit natin sa ngayon.

***


Ibig sabihin, ang Misang Latin ay para lamang sa mga nagnanais nito. Kung may ilang indibidwal na magri-request nito ay maaari nang pagbigyan na hindi na kinakailangan pang humingi ng pahintulot mula sa Vatican o sa mga Obispo.

***


Kaya dapat alamin mo kung magkakaroon ng ganito sa iyong parokya mula Setyembre 14 at kung anong oras para maiwasan mo ito kung hindi mo ito type. Dahil kung hindi, baka isipin mong naliligaw ka ng planeta.

Kyrie eleison! (Lord, have mercy!)

***


Belated happy birthday to our fellow Anluwagers na sina Ate Ana Payod-Balla at Al Francis Reyes!

***


Happy Sacerdotal Jubilee sa ama ng Tanghalang Anluwage, Inc. na si Msgr. Mario D. Enriquez sa July 18.

Mabuhay ka, Monsi!

Friday, July 06, 2007

Mommy Lita Gang

Napanood ko sa isang cable interview nitong Biyernes ng tanghali ang Manila Mayor ng Maynila na si Alkalde Alfredo Lim. May lahi pala siyang Chinese. Naitanong ko rin sa aking sarili, ano kaya yung marka na nasa kanyang kaliwang pisngi?

Is that a nunal or balat or something?

***


What caught my attention about that interview was the eye bag of the anchor. Is that a Dickies ? Samsonite probably, ang laki kasi. Bukod dun, naintriga rin ako sa sagot ni Mayor sa tanong tungkol sa kanyang pagbabawal sa pag-inom ng alak sa mga kalye ng Lungsod.

“Unless ma-repeal ang ordinansa, patuloy natin itong ipatutupad.” Something to this effect.

***


Malumanay ang pagkakabigkas ni Mayor. Parang kulang sa bagsik. Nagbago na ba ng pananaw ng butihing Alkalde tungkol sa paglalashing sa mga open area? Read his lips na ba ito para sa mga city legislators natin? Sinesenyasan na nga ba ni Meyor ang konseho na magpasa ng bagong ordinansa na papayag sa inuman sa kalsada?

At bakit hindi matulog nang maaga ang sinasabi kong news anchor?

***


Dumaraing na raw, ayon sa nasabing broadcaster, ang ilang mga negosyanteng naaapektuhan ng pagbabawal na ito dahil patuloy daw na bumabagsak ang kanilang kita.

Nag-aalala ang mga kamote sa kanilang kita pero hindi man lang nila naiisip ang bantang panganib ng kanila nekosyo sa mga pedestrians. Alam naman natin na kung anu-ano na ang naiisip at kayang gawin ng mga taong sinasapian ng espiritu ng alak.

***


Kaya na niyang mambastos ng mga dumaraang kababaihan. Pwede ka na niyang pag-tripan, pati na ang mga dumaraan na sasakyan.

***


Take my testimonial as an example. Noong mga binata pa kami nina Manong Pietro we used to drink diyan sa mga gilid-gilid ng simbahan ng Gagalangin. Kami ang tinaguriang “Mommy Lita Gang,” named after one of our church organists. Lagi-lagi, kapag kami ay pauwi at mga lashing na, dumaraan kami sa bahay ni Mommy Lita, tumatapat kami sa kanyang bintana at sumisigaw ng “Mommy Lita! Mommy Lita!” sabay takbo pag alam namin na nagising na siya.

Tingnan na ninyo ang nagagawa ng alak! Pero pinagsisihan na namin ang mga iyon. Dala lang iyon marahil ng aming mga musmos na pag-iisip. Nagkamali kami, Mommy Lita, sorry po.

Di kasi namin naisip na may doorbell naman pala sila.

***


Kaya kung ako kay Mayor Lim at sa mga honorable councilors ng Maynila, mag-isip-isip muna ako nang maraming beses bago ko pahintulutan ang mga lasenggo’t lasengga na magpiyesta sa kalye.

O, tagay pa!
***


Don’t get me wrong. I’m not saying na wag na tayong uminom. Ilagay lang natin sa tamang lugar; doon sa wala tayong mapeperwisyo.

Drink moderately. If you drink, don’t drive. If you drive...don’t forget your keys.

***


To end this life-saving essay of mine, allow me to share to you a very touching letter of a son to his father. My tears were unstoppably running. I called my dad the moment I finished reading this letter. I hope magsilbing aral ito sa atin. And if it touches you also, please forward it to your friends and loved ones.

BEER Dad,

GINdi na ko iinom ulit WHISKEY kelan, TANDUAYan mo yan - pRHUMise. TeTEQUILAN ko na talaga.

Your San,
Miguel

Friday, June 15, 2007

Uuwi Na Si Daddy, Ashley!

May iba't ibang amoy, korte at kulay ang mga ama. Kahit pa sabihing may ilang mga ama na pabaya, lasenggo, sugarol, babaero at minsan pa nga ay rapist, mas marami pa rin ang bilang ng mga ama na tunay na panalo!

***



Hindi natin napapansin, o mapansin man natin ay huli na, na halos 3/4 ng buhay ni PAPsi ay ginugol niya sa paggising nang maaga at pagpasok sa trabaho upang mapakain tayo, mapag-aral, mabigyan ng baon sa araw-araw.

At maibili ng PlayStation.

***


Umangal ka pa dahil Made in China lang. Ang kapal mo din 'no? Tingnan mo nga minsan ang kabinet ng tatay mo. Karamihan ng medyas at brief niya ay luma na.

Di mo na nga halos mabasa iyong Hanford na nakasulat. Samantalang ikaw ay Calvin Klein pa.

Ok lang sa kanya iyon. Ang importante naman para sa kanya ay may maayos kang mga gamit. Na may load lagi ang cell mo. Na may pambili ka ng Red Horse at yosi.

Kahit kalahating ulam, isang kanin at libreng sabaw ang tanghalian niya sa AristoCART araw-araw.

***


May mga gabi pa ngang di siya makatulog sa pag-iisip kung saan kukunin ang pang-enroll mo para sa next sem. Pero lahat ito ay mga materyal na aspeto lang ng pagiging ama. Mas kabado siya sa kahihitnan ng iyong pagkatao sa kinabukasan.

Maganda kaya ang Chemistry nila ng mommy mo?

***


May common dilemma ang karamihan sa mga OFW Dads. Tulad nitong si Daddy Oliver.Nang umalis siya noong December 2003 papuntang Jeddah, Saudi Arabia ay 1 month na buntis ang misis niya sa kanilang bunsong si Ashley. Di pa umuuwi si Daddy Oliver mula noon kaya di pa sila nagkikitang mag-ama.

Kapag naglo-long distance nga siya ay ayaw siyang kausapin ni Ashley. Kaya panay na lang ang padala niya ng pictures para pag-uwi niya sa December hindi mailang ang kanyang bunso.

Ashley, uuwi na si Daddy.

***


Iba naman ang kaso ni Elmer sa kanyang bunso. Umuwi siya dito sa Pinas nito lang February 2007. Maliit pa ang kanyang bunso noong umalis siya 2 years ago for Jeddah, Saudi Arabia rin. Noong dumating siya sa kanilang bahay ay titingin-tingin lang sa kanya ang paslit. Kukurap-kurap. Kinikilala siguro siya.

Pero kinagabihan ay nag-iba ang ihip ng hangin. Tabi-tabi kasi silang matulog sa isang malaking kama. Nag-alburoto si Bunso. Sinipa-sipa si Daddy Elmer.

"Umalis ka rito! Alis! Umuwi ka na sa inyo..."


***


Si Daddy Ronnie, isa pa rin OFW sa Saudi, ay mapagkakamalan mong may tagas ang utak. Kapag wala rin lang ginagawa ay nakatitig sa picture ng kanyang isang taong gulang na anak na si RJ. Ritwal na niyang titigan ang litrato ng anak lalo na bago matulog sa gabi.

Aliw na aliw siya kapag nakakausap niya si Utoy sa cellphone. Tanggal ang homesick niya.

Kahit pa da...da....da lang ang naririnig niya.

***


Nag-iipon na nga si Daddy Ronnie ngayon. Gusto niyang ibili ng kotse ang bata.

Broooom, brooom, brrooooooom!

***


Ilan lang 'yan sa mga common na karanasan ng mga amang nangibang bansa upang bigyan ng magandang kinabukasan ang kanilang mga anak. Nagtiis na mawalay sa kanilang asawa't mga anak. Nagkasya na lang sa text messaging at web chatting.

Online fatherhood.

***


Isa pang kwentong Ama. Itong Ama na ito ang "pinaka" sa lahat. Pinakamabait, pinakamaawain, pinakamaunawain at pinakamapagmahal. Laging nasa tabi ng Kanyang mga anak araw at gabi. Di namamalo kahit ilang beses magkasala ang Kanyang mga anak.

Ang ating AMA sa langit.

  ©Shiny by Ourblogtemplates.com 2008

Back to TOP